«Еңбегі адал жас өрен» жобасы аясындағы тәрбие сағаты

         2026 жылғы 27 қаңтарда КММ «№ 4 мектеп-интернатында» «Еңбегі адал жас өрен» жобасын жүзеге асыру аясында6–7 сынып оқушыларынаарналған тәрбиешіРамазанова С. Х.ұйымдастырған тәрбие сағатыөтті. Тәрбие сағатының тақырыбы:«Біздің заманымыздың батыры — Мұқашев Қуаныш Төлегенұлы».

         Іс-шараның құрметті қонағы — Қарағанды жоғары политехникалық колледжінің оқытушысы, өрт кезінде балалардың өмірін сақтап қалу барысында ерлік көрсеткен Мұқашев Қуаныш Төлегенұлы болды. Оның батыл әрекеті шынайы ерліктің, жауапкершіліктің және жоғары азаматтық ұстанымның айқын үлгісі болып табылады.

         Жобаның мақсаты — өскелең ұрпақ бойында адалдықты, еңбекқорлықты, жауапкершілікті, батылдықты және өз еңбегі мен іс-әрекеті арқылы қоғамға пайда әкелетін адамдарға деген құрметті қалыптастыру.

         Тәрбие сағаты барысында оқушылармен өмірлік құндылықтар, олардың іс-әрекеттегі көрінісі, отансүйгіштік пен айналадағы адамдар алдындағы жеке жауапкершілік туралы мазмұнды әңгіме жүргізілді. Қонақ өз өмірінен мысал келтіріп, қиын сәтте батылдық танытып, өзара көмек көрсету мен көмекке дайын болудың маңыздылығын атап өтті.

         Іс-шара оқушыларға батырлар тек кітаптар мен фильмдерде ғана емес, олардың арамызда өмір сүріп жатқанын, әр адамның қоғамның қауіпсіздігі мен игілігіне өз үлесін қоса алатынын ұғындыруға көмектесті.