«Қаржылық сауаттылық еліне саяхат»

         2025 жылдың 11 қарашасында №4 мектеп-интернатында тәрбиеші Рамазанова С. Х. ұйымдастыруымен «Қаржылық сауаттылық еліне саяхат» атты танымдық квест-ойын өткізілді.
         Іс-шараның мақсаты – тәрбиеленушілердің қаржылық сауаттылық туралы түсініктерін қалыптастыру, ақшаны ұқыпты пайдалану дағдыларын дамыту және еңбектің құндылығын сезіндіру.

         Квест барысында оқушылар түрлі бекеттерден өтіп, тапсырмаларды орындады, логикалық есептерді шешті, ребустарды тапты және дұрыс қаржылық шешім қабылдауға үйренді.
Іс-шара қызықты да достық атмосферада өтті. Барлық қатысушылар белсенділік танытып, өз тапқырлығын және тақырыпқа деген қызығушылығын көрсетті.

         Нәтиже:оқушылар қаржы туралы білімдерін кеңейтті, қажеттілік пен қалауды ажыратуды үйренді, сондай-ақ бюджетті жоспарлаудың маңыздылығын түсінді.