2025 жылғы 20 қазанда мектебімізде Қазақстан Республикасының күніне арналған «Гүлдене бер, Қазақстаным» атты салтанатты сап түзеу өткізілді. Бұл – еліміздің ең басты мемлекеттік мерекелерінің бірі.

Мерекелік шараның мақсаты – оқушылардың отансүйгіштік сезімін қалыптастыру, ел бірлігін дәріптеу және ұлттық құндылықтарды насихаттау болды. Жүргізушілер бұл мерекенің тарихи маңызы туралы, тәуелсіз Қазақстанның қалыптасу жолы мен жетістіктері жайлы айтып өтті.Оқушылар еліміздің мәдениеті мен дәстүрлері туралыпатриоттық өлеңдер оқыды. Сонымен қатар, мемлекеттік рәміздер, еліміздің мәдениеті мен дәстүрлері туралы викторина өткізілді.

Сап түзеу барысында салтанатты және мақтаныш сезімі биледі. Мұғалімдер мен оқушылар Қазақстанның тәуелсіздігіне деген мақтанышын білдіріп, елдегі бейбітшілік пен келісімді сақтаудың маңыздылығын атап өтті.