«Еңбек – өмірдің негізі»

         2025–2026 оқу жылында «№4 мектеп-интернаты» КММ-де оқушылардың адал еңбекке деген көзқарасын қалыптастыруға, еңбек дағдыларын дамытуға және кәсіби өзін-өзі анықтауға бағытталған «Еңбегі адал жас өрен» жобасы өз жұмысын жалғастыруда. Аталған жоба аясында жоспар бойынша Еңбек күніне орай «Еңбек – өмірдің негізі» тақырыбында тәрбие сағаты өткізілді.

          24 қыркүйекте 6–7 сынып оқушылары арасында тәрбиеші Рамазанова С.Х. осы тақырыпта тәрбиелік іс-шара өткізді. Іс-шараның мақсаты – оқушылардың еңбекке деген құрметін қалыптастыру, түрлі мамандықтар туралы түсініктерін кеңейту, еңбекқорлыққа, жауапкершілікке және өзін-өзі дамытуға тәрбиелеу.

         Тәрбие сағаты достық және танымдық атмосферада өтті. Оқушылар белсенділік танытып, қызығушылықпен қатысып, сұрақтар қойып, пікір алмасты. Көптеген оқушылар өздерінің болашақ кәсіби жолдары туралы ойланып, бүгінгі күннен бастап – оқуда, үйде, ұжымда еңбек етудің маңыздылығын түсінді.