Қарағанды қ. ТЖ басқармасы қызметкерлерімен кездесу

         2025 жылғы 17 қыркүйекте №4 мектеп-интернатында 6–9 сынып оқушыларының Қарағанды қаласы Төтенше жағдайлар басқармасы қызметкерлерімен кездесуі өтті. Қызметкерлер «Өзіңді сақта» тақырыбында профилактикалық әңгіме жүргізді.

         Оқушыларға өрт, су тасқыны, жер сілкінісі және басқа да төтенше жағдайлар кезінде қауіпсіздік ережелері түсіндірілді. Сонымен қатар, күдікті заттарды байқаған кездегі дұрыс әрекеттер мен төтенше жағдай қызметтерінің телефон нөмірлері еске салынды.

         Кездесу барысында отпен ойнаудың және ашық терезенің қауіптілігі туралы бейнероликтер көрсетілді. Бұл роликтер балаларға абайсыздықтың қандай салдарға әкелуі мүмкін екенін айқын көрсетті. Көрсетілімнен кейін оқушылар өз қауіпсіздігі туралы ойланып, белсенді түрде сұрақтар қойды.

         Мұндай кездесулер балалардың төтенше жағдайларда өзін қалай ұстау керектігін жақсы түсінуіне және өздерін, жақындарын қорғауға көмектеседі.