«Абай – ұлы тұлға!»

2025 жылдың 11 қыркүйегінде КММ «№4 мектеп-интернатының» 7–9 сынып оқушыларымен тәрбиешілер Өмербаева Н.Е. мен Бекмағамбетов Б.С. ұлы қазақ ақыны, жазушысы және композиторы Абай Құнанбайұлының 180 жылдығына арналған «Абай – ұлы тұлға!» тақырыбында сынып сағатын өткізді.

Мақсаты:Абайдың — әлемдік деңгейдегі тұлға, данышпан, ойшыл ретінде дүниетанымын қалыптастыру; оның шығармаларының өскелең ұрпақ үшін маңызын көрсету.

Іс-шара ұлы ақын мен жазушының өмірі мен шығармашылығы туралы презентация көрсетумен басталды. Оқушылар үлкен қызығушылықпен сұрақтарға жауап беріп, Абайдың ғұмыр жолы, философиялық ойлары мен даналығы туралы көп мағлұмат алды. Себебі Абай – тек қазақ халқының емес, бүкіл адамзаттың мәдени мұрасы.

Абай мұрасы – қазақ халқының қасиетті қазынасы. Абай Құнанбайұлы туған халқымен бірге мәңгі жасап, оны жаңа белестерге, асқар шыңдарға жетелей бермек. Балалар үшін бұл іс-шара өте қызықты әрі танымдық сипатта өтті.