"Тарихтан тағылым – өткенге тағзым" дөңгелек үстелі

         Саяси қуғын – сүргін құрбандарын еске алу күніне арналған іс-шаралар аясында 9-сынып оқушылары үшін "Тарихтан тағылым-өткенге тағзым" тақырыбында дөңгелек үстел өткізілді.

Іс-шараның мақсаты - оқушылардың тарихи жадын, азаматтық жауапкершілігін, патриотизмін қалыптастыру, өткеннің қайғылы беттері туралы тарихи шындықты сақтаудың маңыздылығын түсіну.

Іс-шара барысында оқушылар:

·        сталиндік қуғын-сүргін жылдарында зардап шеккен әйелдердің тағдыры баяндалған "АЛЖИР" мемориал-мұражайы (Отан сатқындар әйелдерінің Ақмола лагері) бойынша виртуалды экскурсияны тамашалады;

·        экскурсияда ұсынылған тарихи фактілерді талқылап, жазықсыз құрбандардың тағдырына жанашырлық білдіріп, эссе жазды;

·        репрессия құрбандары туралы есте сақтаудың маңыздылығы және тарихты бұрмалаусыз зерттеу қажеттілігі туралы өз пікірлерін білдірді.

·        Оқушылар белсенділік танытты, тақырыпқа құрметпен қарады, бостандық пен әділеттіліктің құндылығы туралы ойлады.

Қорытынды: өткізілген іс-шара оқушылардың жанашырлық сезімін, тарихи есте сақтау қабілетін және азаматтық ұстанымын дамытуға ықпал етті. Сынып қызығушылық танытты, дөңгелек үстелге қатысушылар жеке тағдырлары арқылы тарихи оқиғаларды талдауда маңызды тәжірибеге ие болды.