"Ғылым және технология" тақырыбындағы жаратылыстану-ғылыми сауаттылық апталығы

2025 жылдың 7 сәуірінде 1–9 сынып оқушылары «Ғылым және технология» атты жарқын әрі танымды жаратылыстану-ғылыми сауаттылық апталығының ашылуына қатысты.

Салтанатты жиында оқушылар апталықтың іс-шаралар жоспарымен танысып, ғылым әлеміне қызықты саяхатқа дайындалуға мүмкіндік алды.

7-сынып оқушыларымен «Ұлы физиктер» / «Ұлы жаңалықтар» атты сынып сағаты өткізілді.
Жауаптылар: Бекмағанбетов Б.С., физика пәні мұғалімі – тәрбиеші Ким Л.Э.
Іс-шараның мақсаты – физика пәніне деген қызығушылықты арттыру, коммуникативтік дағдыларды қалыптастыру.

Оқушылар әлемге танымал ғалымдар мен олардың жаңалықтары туралы білді. Қазақстандық физик-ғалымдар жайлы баяндамалар дайындады. Балалар өз білімдерін көрсетіп, дүниетанымдарын кеңейтті, интеллектуалдық қабілеттерін танытып, ғылым әлемі туралы көптеген жаңа мағлұмат алды.

Жаратылыстану-ғылыми сауаттылық апталығы – бұл өзіңді көрсетуге, әлемді тереңірек тануға және ғылымға ғашық болуға тамаша мүмкіндік!