Оқушыларға арналған экскурсия

"Еңбек адал жас өрен" жобасы аясында

         5 ақпанда "Еңбек адал жас өрен" жобасы және "Жасампаздық пен жаңашылдық" тақырыбындағы идеология айлық  аясында №4 топ оқушылары тәрбиешісі С. Х. Рамазановамен бірге Достық үйіне экскурсияға аттанды.

         Балаларды Достық үйін дамыту бөлімінің басшылары Гүлнұр Рахымжанқызы Сатанова және Достық үйін дамыту бөлімінің музей жұмысы жөніндегі маманы Мүгілсім Губайдоллақызы Шибаева қарсы алды.

         Олар балаларға қоғамдық келісім саласындағы жұмыстың қыр-сыры туралы және облыста тұратын түрлі этностардың өкілдері туралы айтып, Достық үйінің қабаттары бойынша экскурсия өткізді, Облыстың Қазақстан халқы Ассамблеясының немен айналысатынын және Достық үйінің базасында жұмыс істейтін құрылымдарды түсіндірді.  Оқушылар этномәдени бірлестіктердің этносаралық келісімді нығайту, ана тілін сақтау және дамыту, ұлттық мерекелер мен фестивальдар ұйымдастыру жұмыстары туралы білді.           Оқушылар тағдырдың қалауымен қазақ жерінде болған этностар туралы әңгімелерге үлкен қызығушылық танытты, сұрақтар қойып, Қазақстан этностарының салт-дәстүрлері мен мәдениеті туралы өз білімдерімен бөлісті.