Ұлттық валюта күні

15 қарашада Ж. Бектұровтың кітапханасында, балаларға қызмет көрсету бөлімінде 6-9 сынып оқушыларына арналған «Теңге шежіресі» ақпараттық дайджест өткізілді.

Мақсаты: оқушылардың Қазақстанның ұлттық валютасы туралы білімдерін кеңейту.

Іс-шара барысында кітапханашы балаларға ұлттық валюта тәуелсіздік пен егемендіктің рәміздерінің бірі, еліміздің ақша жүйесінің негізі болып табылатынын айтты. Оқушыларға теңгенің тарихы, теңгенің дизайны мен қорғау дәрежесінің 31 жыл бойы қалай өзгергені туралы бейнефильмды тамашалады.

Одан кейін ұлттық валютаны, қаржы секторын білуге арналған танымдық эрудит-шоу өткізілді. Сайыс барысында балалар «Экономикалық тақырыптағы мақалдар аукционы», «Ипподром», «Ортақ терминмен біріктір», «Жұмбақ-әзіл», «Блиц-сауалнама», «Түсіндірме сөздігі» турларына қатысты.
         Шара соңында оқушылар үшін «Ұлттық валюта - ұлт мақтанышы» атты әдебиеттерге шолу жасалды.