«Еңбегі адал жас өрен»

"Бір тұтас тәрбие" бағдарламасын жүзеге асыру аясында 25 қыркүйекте "Еңбек адал жас өрен" жобасының қатысушылары тәрбиеші С.Х. Рамазановамен бірге Ж. Бектұров атындағы кітапханаға барды, онда "Қармет" АҚ көмір департаменті директорының әкімшілік мәселелер жөніндегі көмекшісі А. С. Рысқұловпен кездесу өтті.

Кездесудің негізгі мақсаты жұмысшы мамандықтарының адамдарымен танысу және өмірдің әртүрлі салаларындағы еңбектің маңыздылығын түсіну болды.

Алмас Сағынайұлы еңбек жолындағы тәжірибесімен бөлісіп, еліміздегі білікті мамандардың қаншалықты маңызды екенін айтты. Ол әр мамандықтың қоғамдағы өзіндік құндылығы мен рөлі бар екенін атап өтті. 

Кездесу барысында оқушылар түрлі кәсіптерде табысқа жету үшін қандай дағдылар мен қасиеттер қажет екенін сұрап сұрақтар қойды.

 Кездесу соңында оқушылар кәсіби маманмен қарым-қатынастан алған шабыт пен мүмкіндік үшін алғыстарын білдірді.