"Еңбек адамы" құрметтеу сабағы

        19 қыркүйек күні Қазақстанда қыркүйектің соңғы жексенбісінде атап өтілетін «Еңбек күні» қарсаңында кітапханада "Еңбек адамы" атты сабақ өтті. 

Іс-шараға тәрбиешілер С. Х. Рамазановамен бірге "№ 4 көп балалы және аз қамтылған отбасылардан шыққан балаларға арналған мектеп-интернат" КММ-ның 8 сынып оқушылары қатысты .

       Іс-шараның мақсаты: оқушыларды Еңбек күні мерекесінің тарихымен таныстыру; балалардың қоғам өміріндегі еңбектің маңыздылығы туралы түсінігін кеңейту; адам өміріндегі еңбектің қажеттілігін көрсету; мамандықтар әлеміндегі балалардың ой-өрісін кеңейту; оқушыларды олардың басты мақсаты оқу екеніне сендіру; еңбекке және еңбек адамдарына құрмет пен сүйіспеншілікті ояту.

        Іс-шараның бірінші бөлімінде жүргізуші еңбек туралы, оның мәні мен жасына және мәртебесіне қарамастан әр адамның өміріндегі қажеттілік туралы айтты. Балалардың назарына еңбекке деген құрмет туралы әлеуметтік бейнеролик ұсынылды.

      Сабақтың екінші бөлімі "Еңбек ардагері", «Құрмет» медалінің иегері Петраков Михаил Сергеевичке арналды. Ол медальмен еңбек қызметіндегі жоғары жетістіктері мен ұзақ жұмыс өтілі үшін, әртүрлі кәсіптердің үздік қызметкерлерін марапаттайды. Бұрынғы кенші, Михаил Сергеевич-56 жыл өмірін қиын шахтер еңбегіне арнаған. Қазіргі уақытта ол қоғамдық қызметпен айналысады, Қарағанды қаласының ардагерлер кеңесінің белсенді мүшесі.

Құрметті қонақ балаларға өзінің өмірлік және еңбек жолы туралы егжей-тегжейлі айтып, әскери балалық шақтың қиын кезеңіне де жеке тоқталды. Михаил Сергеевич өз сөзін жеке мұрағаттың құжаттарымен, фотосуреттермен, газет қиындыларымен суреттеп берді. Михаил Сергеевичтің барлық еңбек жолын сипаттайтын, еңбек ардагерінің өзі жазған кітап, оқушылардың үлкен қызығушылығын тудырды.

Балалар құрметті қонақтың сөзін мұқият және құрметпен тыңдап, өздерін қызықтырған сұрақтарын қойды. Еңбек ардагеріне, оқушылар қошемет көрсетті.

Іс-шараның соңында оқушылар Михаил Сергеевичтың еңбегін бағалап және құрметтеп ұзақ шапалақтап, 91 жастағы еңбек ардагеріне денсаулық және ұзақ өмір тіледі.