«Ана тілім ажарым – асыл мұрам»

    Оқушыларды басқа ұлттардың тілдеріне, мәдениетіне құрметтеуді қалыптастыру,  ұлттық мәдениет пен әдебиеттің бастауында тұрған Қазақ тіл білімінің атасы, Алаштың рухани көшбасшы - Ахмет Байтұрсынұлының  көп қырлы тұлғасының өмірбаяны мен шығармашылығымен  таныстыру мақсатында "№4 көп балалы аз қамтамасыз етілген отбасылардың балаларына арналған мектеп - интернаты" КММ – нің7-8 сынып оқушылары Ж.Бектұров атындағы Қарағанды облыстық жасөспірімдер кітапханасына шақырылды.

    Іс-шара барысында тілдерді білудің құндылығы, оны құрметтеудің  адам өміріндегі маңыздылығы туралы ақпарат ұсынылды.

Сондай – ақ, оқушылар Ахмет Байтұрсынұлының  ғалым, көптеген оқулықтардың авторы, аудармашы, этнограф қана емес, сонымен қатар жасөспірімдерге арналған көптеген өлеңдердің авторы екенін білді. Ахмет Байтұрсынұлы  қазақ ғылымы мен мәдениетінің жарқын өкілі болғанын және халықтың  жадында мәңгі сақталатыны айтылды.