« Алғыс шын жүректен шығады !»

22.02.2023 жылы "№ 4 көп балалы және аз қамтамасыз етілген  отбасылардың балаларына арналған мектеп-интернаты" КММ – де  8-сынып оқушыларына  тәрбиеші Н. Е. Омербаева " Алғыс шын жүректен шығады!» атты   тәрбие сағатын  өткізді.

          Іс-шара балаларға бүгін бірге болғанымыз үшін алғыс айтудан басталды! Бұл ерекше сынып сағатында оқушылар  бір - біріне  жылу, жақсылық пен бақыт сыйлады. Көршісінің алақанына алақанын тигізіп, оған жүрегінің жылуын берді. Ой арқылы бір-біріне барлық жақсылықты тіледі. Бұдан кейін балалар біздің Республикамыз көпұлтты екендігі туралы айтты. Қазақстан өз шаңырағының астына түрлі ұлт өкілдері мен түрлі мәдениетті біріктірді. Біз әртүрлі халықтардың адамдары « Отан » деп санайтын елде тұрамыз. Олардың тілі, мәдениеті, әдет-ғұрпы оның байлығының қайталанбас бейнесін құрайды. Өмір мен тарих қазақтардың ежелгі жерінде 130-дан астам ұлттың тағдыры тоғысатындай етіп қалыптастырды.

          Мереке көпұлтты ел халықтары арасындағы достық, мейірімділік пен келісімнің көрінісі болуға арналған. Бұл күні ел тұрғындары бір-біріне жылы лебіздерін білдіріп, қазақтарға төзімділік пен қонақжайлылық үшін алғыс айтады.

 Іс-шара соңында балалар Қазақстан халқына өркендеу, бейбітшілік және ұзақ ғұмыр тіледі.