2020 жылдың 24 қаңтары күні №4 мектеп-интернатында, Қарағанды қаласының білім бөлімі әдістемелік кабинетінің жоспарына сәйкес, «ЕББҚ балаларға арналған критериалды бағалау» тақырыбында қалалық деңгейдегі, инклюзивті тәжірибені  меңгеріп жүрген мұғалімдерге арналған семинар-практикумы өткізілді. Семинардың мақсаты – ЕББҚ балаларға арналған БЖБ және ТЖБ тапсырмаларын құрастыру бойынша, мұғалімдермен тәжірибе алмасу.

№4 ЖББМИ бастауыш арнайы сынып мұғалімі Е.Г. Пасечная критериалды бағалау бойынша ұсыныстарын ортаға салды, №4 мектеп-интернатының логопед-мұғалімі Е.М. Хохлова инклюзивті сынпытарда сабақ жүргізетін мұғалімдерге, балалардыңң  тіл ауытқуларын анықтау  бойынша логопедиялық жадынама ұсынды. Сонымен қатар, №11 ЖББМИ және №20НОМ бастауыш сынып мұғалімдері, №4 мектеп – интернатының филологтері У. Серикпаева, А.Смагулова, Д. Кутжанова, Ж. Абишева, математика мұғалімі Э.Кокенова мен ақпараттану мұғалімі С.Кожахметовалар шеберлік сыныптарын өткізді.

Шеберлік сыныптарында мұғалімдер балалардың даму ерекшелеіктеріне қарай БЖБ және ТЖБ тапсырмаларына талдау жүргізді. Тәжірибелі тәлімгерлер басшылығымен семинарға қатысушылар ЕББҚ балаларға  арналған критериалды бағалау дың тиімді мазмұнын  құру мәселелерін қарастырды. Семинар рефлексиясында тақырыптын көкейкестілігі, маңыздылығы мен өзектілігі көрсетілді, ал шеберлік сыныптарында шығармашылық серіктестік пен өзара көмектесі  ахуалы байқалды.