2019 жылдың 28  қараша күні өткізілген

мәдени іс-шаралар туралы ақпарат

2019 жылдың қараша айының 28-күні «Молодежный»  мәдениет үйінде  «Қазақтың аяулысы перизаты, Өшпейді ешқашанда Фариза аты!»  тақырыбында қазақтың ақын қызы Фариза Оңғарсынованың туғанына 80 жыл толуына орай әдеби сазды кеш ұйымдастырды.

Шара мақсаты мемлекеттік тіл мәртебесін көтеру, қазақ поэзиясының дүлдүл ақыны, өзінің жалынды өлең-жырларымен дараланған қазақтың халық жазушысы, Мемлекеттік сыйлықтың иегері, дара тұлғасы Фариза Оңғарсынованы еске алу. Ақынның туғанына 80 жыл толуына байланысты ақынның өмір жолы, шығармашылығын, артынан калдырған әдеби мол мұрасын халыққа насихаттау. 

Әдеби сазды кеш барысында сахнада ұлттық поэзия бағының шоқ гүлдерінің ішінде отты жырларымен дараланған Қазақстанның халық жазушысы, Мемлекеттік сыйлықтың иегері, көрнекті ақын, ірі тұлға, біртуар суреткер Фариза Оңғарсынованың өмір жолы, шығармашылығы қамтылған видео көрсетілім көрермендер назарына ұсынылды. Кеш №52859 жедел қызметтегі әскери бөлім сарбаздары мен №4 мектеп интернаты оқушыларының қатысуымен өтті. Қазақтың өр мінезді, асқақ рухты ақын қызы Фариза Оңғарсынованың ұмытылмас жырлары, махаббат, ғашықтық жырлары оқылды, «Молодежный» мәдениет   үйінің өнерпаздары Б.Кокиева, Д.Ерденов өнер көрсетті.