24.04.2026 жылы Жаңа Майқұдық мәдениет үйінде "Чернобыль жаңғырығы" Халықаралық Чернобыль апатының болғанына 40 жыл толуына орай дөңгелек үстел өтті. Осы шараға Жақып Ақбаев атындағы жалпы білім беретін мектептің 10"а" сынып оқушылары қатысты. Дөңгелек үстелге Қарқаралы ауданы Киргизия совхозының тумасы Чернобыль ардагері Жумагулов Орынбек Құдайбергенұлы және аяулы жары Жумагулова Марияш Куспековна арнайы шақырылды. Кездесу барысында қонақтар Чернобыль апаты туралы естеліктерімен бөлісіп, сол кездегі оқиғалар жайлы айтып берді. Оқушылар өз сұрақтарын қойып, мазмұнды жауаптар алды. Іс- шара оқушыларға үлкен әсер қалдырды. Олар тарихи оқиғалар туралы тың мәліметтер алып, ардагерлер ерлігіне құрметпен қарауды үйренді.