Мамырдың 4 күні №50 негізгі орта мектебінде Ұлы Жеңістің 72 жылдығына және Қазақстан Қарулы күштерінің 25 жылдық мерейлі күніне арналған мерекелік іс-шара өтті. Іс-шараға мектептің шағын ауданында тұратын Ұлы Отан соғысының ардагерлері, тыл еңбеккерлері ата- аналар қауымы мен оқушылар және ұстаздар шақырылды. Ардақты ардагерлер мектеп оқушылары мен ұстаздары дайындаған мерекелік концертті тамашалап ризашылықтарын білдірді. Мерекелік концертте тақырыпқа сай зұлмат соғыс, бейбіт өмір туралы өлеңдер оқылып, әскери-патриоттық әндер шырқалды және биден шашу шашылды. Концерттік бағдарламадан соң ардагерлерге мектеп асханасының иесі Аманжолова С.О. ұйымдастыруымен құрмет көрсетілініп, ақ дастархан жайылды. Іс-шараға қатыса алмаған шағын аудандағы өзге ардагерлер де назардан тыс қалмай, оқушылардың құттықтауларына ие болды.
Байланыс телефондары
