2016 жылдың 26 желтоқсан күні №50 НОМ жаңа жылдық шырша мерекесіне арналған «Жаңа жылда ертегі, келе ме біздің мектепке» атты думанды мерекелік бағдарламалар басталды. Мерекелік бағдарламаның басты қонағы ретінде мемлекеттік тілде оқитын бастауыш сынып оқушылары шырша маңында жиналды. Олардың бүгінгі көңіл күйлері өте көтеріңкі, мәз-мейрам. Әсіресе үстілеріне киген мерекелік сәнді киімдері шыршаны бұрыңғысынан да ажарландырып жіберді. Думанды мерекені мектебіміздің белсенді ата-аналары, жас маман ұстаздар мен жоғарғы сынып оқушылары ұйымдастырды. Жаңа жылдық ертеңгілік «Алақай мен Балақай» жайындағы ертегілер қойылымы желісінде өтті. Ата-аналар мерекеге арнайы ертегілер әлемінің кейіпкерлерінің көрікті костюмдерін киіп, шынайы ниеттерімен белсене қатысты. Ертеңгілік кішкентай бүлдіршіндерге қатты ұнады. Әсіресе жарқын безендірілген жасыл шырша, мерекелік зал, ертегі қойылымдары қатты ұнап, керемет әсерлі күйге бөленді. Олар шырша маңынан ән айтып, би билеп, Аяз-атаға арналған тақпақтарын айтудан жалықпады.
Байланыс телефондары
