№50 негізгі орта мектебінде 10 қыркүйек күні  1 сынып оқушыларының ата-аналарының қатысуымен «Бірінші сынып оқушыларының ата-аналарына психологиялық көмек» тақырыбанда  21 ғасыр ата-аналарының «Өз балаңа үлгі бол» атты Республикалық ата-аналар конференциясы болып өтті. 

  Шара барысында мектеп директоры Касимов Ернат Тлеуханович ҚР Білім  және Ғылым министрі Сағадиев Ерлан Кенжеғалиұлының Республикалық ата-аналар конференциясының қатысушыларына құттықтау хатымен таныстырып өтті. Сонымен қоса Астана қаласының Отбасылық Тәрбиелеу Институтының хатын оқып, сөз соңында ата-аналарды Қазақстанның отбасы күнімен құттықтап, ізгі тілегін білдірді. 

  Әрмен қарай конференцияның негізгі бөлімі «Бірінші сынып оқушыларының ата-аналарына психологиялық көмек» тақырыбындағы әдістемелік ақпаратпен ата-аналарды мемлекеттік және орыс тілдерінде психолог мамандары Рахманова М.Ж. және Онгарбек А.Е. таныстыруға көшті. Конференцияға қатысушылар тақырып аясында пікір алмасып, ата-аналар тарапынан қойылған маңызды сұрақтарға тиісті жауаптар берілді. 

  Конференцияда берілген ақпараттар мен ескертпелер, видеороликтер ата-аналардың көңілінен шығып, алғыстарын білдірді.