25 мамыр күні оқу жылының аяқталуына байланысты №50 негізгі орта мектеп түлектеріне арналған «Сыңғырла соңғы қоңырау» атты  салтанатты жиын өтті. Салтанатты  жиынға мектебіміздің еңбек ардагері Зенина Лидия Ивановна, ұстаздар қауымы және  ата-аналар мен  оқушылар қатысты.

Бұл күні 9 сынып түлектерінің құрметіне мектеп басшысы Касимов Е.Т. ерекше құттықтау сөзін айтып, салтанатты жиынның ашылуы жарияланды.  Сонымен қатар жиында түлектердің алғашқы ұстаздары, сынып жетекшілері және ата-аналары, бірінші сынып оқушыларын құттықтап, ізгі тілектерін білдірді.

  Түлектерде өз мектебінің ұландарына, ұстаздарына ата-аналарына шын жүректен шыққан шынайы тілектерін білдіріп, шексіз алғыстарын айтты.  Сахна төрінде Қазақстан Республикасының  Тәуелсіздігіне 25 жылдық атаулы күнге байланысты мәліметтер берілініп, патриоттық әндер орындалды. Сонымен қатар соңғы қоңырау салтанатына  сай тек балалық шақтың көңілді ән-жырлары мен өлеңдері орындалып, барша халықтың көңілін көтерді. Биылғы жылы соңғы қоңырау соғу салтанатын  9 а сынып оқушысы Кучерова Каринамен 1 сынып оқушысы Нурислам Айқын орындады. Соңғы қоңыраудан соң түлектер мектеп алаңында дәстүрлі мектеп вальсін билеп, соңы көңілді флешмобқа жалғасты.