16 наурыз күні біздің мектебімізде Наурыз мейрамына және Тәуелсіздіктің 25 жылдығына арналған 5-9 сынып оқушыларының қатысуымен  мерекелік концерт ұйымдастырылды. Мерекелік концертте қаламыздың Қали Байжанов атындағы концерт залының өнерпаздар тобы қазақ әндері және басқа әртүрлі халықтың ән-жырларын нақышпен орындап, оқушыларды қуаныш пен шаттыққа бөледі.  Әсіресе оқушыларға саксофонда орындалған жеке өнер қатты ұнады. Біздің де мектебіміздің өнерпаз оқушылары қонақтарды құр алақан қайтармай, майталман өнерпаздармен қатарласып өз өнерлерін ортаға салды.  Өнер иелеріне ерекше ду шапалақпен қошемет көрсетілді. Концерт соңында өнер ошағының әртістері мен біздің оқушылар бірлесіп «Наурыз думан» әнін шырқады.  Концертке қатысушылардың барлығы бұл күні көңілді күйге бөленіп, ойлары сергіп қалды.