Қалалық білім бөлімінің кезекті жоспары бойынша 18.02.2016ж.  КММ №50 НОМ орыс сыныбындағы қазақ тілі мен әдебиеті пәндері бойынша «Орта буын сыныптарында қазақ тілі сабағы барысында оқуға ынтасы төмен оқушылармен жұмысты ұйымдастыру түрлері» тақырыбында қалалық семинар өтті.

Семинар қалалық білім бөлімінің әдіскері Г.К. Аймағанбетованың қатысуымен басталып, қала бойынша 42 мектептен мұғалімдер келіп қатысты. №50 негізгі орта мектептің  қазақ тілі мен әдебиеті пәні мұғалімі Қ.Е. Ибраева мектептегі әдістеме бірлестігінің жұмысымен және қазақ тілі пәні мұғалімдерінің жұмыстары мен жеткен жетістіктері туралы таныстырып, «Қазақ тілі сабағында оқуға ынтасы төмен оқушылармен жұмысты ұйымдастыру түрлері» тақырыбында баяндама оқыды. Келесі Р.Т. Ратаева 3 «А» сыныбына «Сыйлық жасайық», Г.Б. Жекешова 5 «Б» сыныбына «Тілдік қоржын жасаймыз», Қ.Е. Ибраева 9 «А» сыныбына «Ұлттық мұражай» тақырыптарында сабақтар беріп, келген мұғалімдермен іс-тәжірибе алмасты. Сонымен қатар, №81 ОМ мұғалімі Г.Т. Балтабекова өзінің іс-тәжірибесімен де алмасты. Бұдан әрі семинардың өркендеуіне №50 НОМ мұғалімдері Р.Т. Ратаева мен Г.Б. Жекешова «Оқушылардың оқуға деген ынтасын бағалау арқылы арттыру» тақырыбында тренинг  яғни, шеберлік сыныбын өткізді.

№50 НОМұйымдастырылған қалалық семинар өз дәрежесінде жақсы деңгейде өтілді деп бағаланды.