2015 жылдың 5 қаңтар күні №50 негізгі орта мектебі ата-аналар жұртшылығы алдында қоғамдық тыңдау өтті. Аталмыш шараға мектеп оқушыларының ата-аналары, қалалық білім бөлімінің  өкілі Исахова А.С., №50 НОМ педагогикалық ұжымы қатысты. Қоғамдық тыңдалымда  мектеп директоры Касимов Е.Т. ата-аналар жұртшылығы алдында қоғамдық тыңдаудың мақсаты мен маңыздылығын айтып өтіп,   қаралатын мәселелерді атап көрсетті. Қаралған мәселелер бойынша директордың оқу-тәрбие ісінің орынбасары Жахметова С.Ж. оқу жылының І жарты жылдығы бойынша оқу-тәрбие мәселесі жөніндегі есебі тыңдалды. Келесі кезекте директордың тәрбие ісі жөніндегі орынбасары  Наурзбекова Г.Т.  2015-2016  оқу жылының І жарты жылдығы бойынша атқарылған тәрбие жұмыстары мен әлеуметтік-психологиялық  жағдайы жөніндегі есебін мәлімдеді. Әртүрлі мәселе бойынша ата-аналар сауал-сұрақтарын қойып, көкейкесті ойларын ортаға салды. Соңынан мектеп өміріндегі қоғамдық жұмыстарға белсене қатысқан ата-аналарға  мектеп әкімшілігі тарапынан мақтау қағаздар табыс етілді.