2015 жылдың 28 желтоқсан күні №50 НОМ жаңа жылдық шырша мерекесіне арналған мерекелік бағдарламалар басталды. Мерекелік бағдарламаның басты қонағы ретінде мемлекеттік тілде оқитын бастауыш сынып оқушылары шырша маңында жиналды. Олардың бүгінгі көңіл күйлері өте көтеріңкі, мәз-мейрам. Әсіресе үстілеріне киген мерекелік сәнді киімдері шыршаны бұрыңғысынан да ажарландырып жіберді.

Мерекелік шараны қаламыздың өнер шаңырағы  С.Сейфуллин атындағы драма театрдың бір топ өнерпаздары сахналандырған мерекелік қойылымдарымен ашты.Мереке барысында оқушылар жаңа жылдық ән-жыр, өлең-тақпақтарын ортаға салып  Аяз-ата мен ақшақарды қарсы алды.  Сонымен бірге ертегілер әлемінің кейіпкерлері, Аяз-ата және ақшақармен бірге  шырша маңында қол ұстасып би биледі. Оқушылар мерекеде керемет шексіз көңіл күйге бөленді. Аяз-атамен ақшақар өнерін көрсеткен оқушыларға сыйлықтар табыс етті.