Алақай! екінші сезон ашылды!

2015 жылдың 15 маусым күні №50 НОМ мектеп жаныңдағы жаздық сауықтыру  «Қарлығаш» лагері салтанатты түрде ашылды. Ашылу салтанаты ерекше сәлемдесу сәті мен олардың тілектері орындалсын деген үмітпен «Сиқырлы сабынды шарлардың жарылуы» деген ойыннан басталды. Балалар ойыннан соң лагердің қызметкерлерімен, тәлімгерлермен және бір-бірлерімен танысып өтті. Балалар сиқырлы қаптың түбінен сары және алқызыл түсті шарфтарды көтеріп, түстер бойынша екі топқа бөлінді. Оның бірі «Апельсиндер», екіншісі «Одуванчиктер» деген атпен аталынды.Соңынын қызықты зияткерлік ойынды бірден бастап кетті. Екі топ әсерлі ойынға көңілді түрде қатысты. Ойын соңынан балаларды сергіту үшін флеш-моб ұйымдастырылды. Осылайша лагердің ашылу салтанаты қызықты өтті.