2015 жылдың 6 мамыр күні  №50 негізгі орта мектебінде  Ұлы Жеңістің 70 жылдығына арналған мерекелік концерт өткізілді.Мерекелік іс-шараның көрермендері ретінде ауданымыздың соғыс ардагерлері, тыл еңбеккерлері мен ата-аналар қоғамдастығы қатысты. Мектеп директоры Касимов Е.Т келген ардагерлер мен тыл еңбеккерлерін мерекемен құттықтап, жылы лебізін білдірді. Мектеп оқушылары ардагерлерге гүл шоқтарын ұсынып,  тақырыптық әдеби қойылымдар мен  Ұлы Отан соғысы жылдарындағы ән-билерді орындады. Мерекелік  бағдарламаны шын жүрекпен қабылдап, өткен күндер елесі көздеріне жас алдыртты.

Ардагерлер қуанышты күйге бөленіп, мектеп ұжымына шексіз алғыстарын білдірді.