Ұлыстың ұлы күні, Наурыз мейрамы қарсаңында №50 негізгі орта мектебінің әкімшілігі мен «Жас Ұлан» ұйымының бір топ белсенді оқушылары Ұлы Отан соғысының ардагері Пичугов Алексей Ивановичті мерекемен құттықтап, ерекше сый-сияпатпен құрмет көрсетті. Соғыс ардагерінің отбасы және соғыс ардагері Алексей Иванович қуанышпен қарсы алды.  20-шы наурыз соғыс ардагері Алексей Ивановичтің  95-жылдық мерей тойы наурыз мерекесімен тұспа-тұс келуіне байланысты мектеп директоры Касимов Е.Т. құттықтау лебізін білдіріп, ақсақалдың қолына гүл шоғымен бірге шағын сыйлықты табыс етті. «Жас Ұлан» ұйымының оқушылары соғыс ардагерінің хал-жағдайын сұрап, соғыс жылдары және отбасы туралы әңгіме желісін жүргізіп, сұхбат жүргізді. Бұл күні соғыс ардагерінің көңіл күйі жақсы болуына байланысты өзін сергек ұстап оқушыларға ауыр жылдар туралы деректер айтып, жастарға деген өзінің шынайы тілегін білдірді. Сонымен қоса бұл қуанышты күндердің барлығын ұйымдастырып жатқан Елбасына Нұрсултан Әбішұлы Назарбаевқа шексіз алғысын білдіріп, жас балаша қуанды. Соғыс ардагерінің отбасы және соғыс ардагері Алексей Иванович  аталмыш мектептің әкімшілігіне орасан алғыс айтып, ризашылығын білдірді. «Жас Ұлан» ұйымының белсенді оқушылары бұл күні өздерінің аға ұрпаққа құрмет көрсетіп, жауапты екендерін сезінді.