Біздің білім шаңырағымызда Ұлыстың Ұлы мерекесі-Наурыз мейрамы өзінің жалғасын табуда. Бүгін, наурыздың 19-күні 4-6 және 7-9 сынып оқушыларының қатысуымен «Қош келдің, Наурыз! атты мерекелік іс-шара өткізілді. Мерекелік думанда оқушылар Керей хан, Әз-Тәуке хан, Абылай хан ауылдарына топтасып өнерлерін ортаға салды. Қазақ халқының салт-дәстүрлері және тұрмысы жайында көріністерді көрсете отырып, қазақ және өзге де халықтардың әндері мен билері көрсетілді.Сонымен бірге, Қыдыр ата, Жер ана сияқты аңыз кейіпкерлер өз баталарын беріп, шашу шашылды. Мерекелік іс-шара оқушылардың ұлттық құндылықтар жайындағы танымдық көзқарастарын дамытып, көп ұлтты халқымыздың бірлігі мен татулығының беріктігіне деген сенімдерін арттыра түсті. Мерекенің соңында оқушылар Наурыз дастарханынан дәм татып, би-билеп көңілдерін көтерді.
Байланыс телефондары
