Ұлыстың ұлы күні – Наурыз мейрамы қарсаңында, 2015 жылдың 18 наурызында № 50 негізгі орта мектебінде  қазақ тілінде оқитын 1 – 4 бастауыш сынып оқушылары   С. Сейфуллин атындағы қазақ драма театры ұжымы ұсынған «Операция Наурыз!» қойылымын тамашалады. Ата-аналардың қолдауымен көрсетілген қойылым өте қызықты, рухани-адамгершілік құндылықтарға толы болды. Түрлі кейіпкерлер тарапынан  оқушыларға Наурыз мейрамы, ұлттық ойындар, ұлттық тағамдар жайлы мазмұнды сұрақтар қойылып толық, әрі дұрыс жауаптар алынды.      Сонымен қатар, асық ату, көкпар тарту сияқты ұлттық ойындар ұйымдастырылып  , ән айтылып,  би биленді.  «Батаменен ел көгерер...» демекші қойылым соңында Қыдыр ата бата беріп, шашу шашылды. Оқушылар қойылымнан ерекше әсер алып, мерекелік көтеріңкі көңіл күймен тарасты.