«Белсенді ұзақ өмір – жүз жасты тойлауға кепіл!» ұранымен   «Денсаулық фестивалі – 2014»  кең көлемді акциясын өткізу мақсатында №50 НОМ шағын ауданындағы  саябақта № 60 және 11 мектептермен  бірлесіп ұйымдастырылған  оқушыларды салауатты өмір салтына баулитын түрлі спорттық іс-шаралар өткізілді.

      Фестивальға арнай келген қонақтар , екі мектептің 1000-ға жуық оқушылары, ата-аналар, мұғалімдер және мектеп қызметкерлері  қатысты. Салтанатты жиыннан бастау алған  іс-шарада қалалық білім бөлімінің басшысы Ибадуллаева Гүлжахан Сүлейменқызы жиналғандарды  құттықтап, денсаулық фестивалінің маңызына тоқталып өтті.

    Салтанатты бөлімнен кейін дене тәрбиесі пәнінің мұғалімдері фестивальға қатысушыларды  жоспарға сәйкес спорттық  іс-шаралардың өткізілу тәртібімен таныстырды. Арнайы шақырылған мектеп бітірушілердің  ұйымдастыруымен көңілді әуенге  флешмоб өткізілді.

    Бастауыш сыныптың 1-4 оқушылары «Көңілді старт» спорттық ойынында өзара сынға түсті. 5-7 сынып оқушылары арасында  жеңіл атлетикалық жүгіру жарысы ұйымдастырылды. Сонымен қатар, №50 және  №11 командалары арасында футболдан, баскетболдан және волейболдан  жолдастық кездесулер өткізілді.  

   Спорттық іс-шараға ата-аналар қауымдастығы өкілдері де белсене қатысты.