Еліміздегі атаулы күндердің бірі - Қазақстан Республикасының Конституциясы күні.  Ата заңымызды құрметтеу, жас ұрпақты отаншылдыққа, құқықтық сауаттылыққа тәрбиелеу  мақсатында   №50 негізгі орта мектебінде бірқатар іс-шаралар ұйымдастырылды. Мектеп ғимаратының бірінші қабатында  ата  заңымызды жас ұрпаққа насихаттайтын арнайы стенд әзірленсе, кітапханада жас оқырмандар мен ұстаздар үшін кітап көрмесі ұйымдастырылды. 1-9 сынып оқушыларына «Ата Заң – тұрақтылық пен даму кепілі!»тақырыбына сынып сағаттары, 8-9 сынып оқушылары арасында «Ата Заңды білу әр азаматтың парызы» атты зияткерлік сайыс  өткізілді. Отанға деген  сүйіспеншіліктерін қағаз бетіне түсіргісі келетін оқушылар арнайы ұйымдастырылған  «Қазақстан – тәуелсіз Отаным» атты сурет көрмесіне белсене қатысты.