Сәуірдің 30-ында №50 негізгі орта мектебінде ұстаздар, ата-аналар және «Жас Ұлан» БЖҰ құрамындағы оқушылардың қатысуымен Қазақстан халқының бірлігі күніне арналған ауқымды мерекелік іс-шара ұйымдастырылды. Іс-шараның барысында жасұландықтар Тұрыспекова Зульфия мен Назаренко Виктория Қазақстан халқының бірлігі күніне арнап баяндама жасап, аталған мерекенің мәні мен Елбасы Н.Ә.Назарбаевтың Қазақстан халқы Ассамблеясының ХХІ сессиясында жасаған үндеуіне   кеңінен тоқталды.

  Мерекелік шарада оқушылардың дайындаған  патриоттық әндері орындалып, өлеңдер оқылды. 

       Сонымен қатар, мерекелік іс-шарада «Жас Ұлан» балалар және жасөспірімдер ұйымы қатарына қабылдау рәсімі өткізіліп, ұйым мүшелерінің қатары 29 оқушыға толықты (оның 12-і «Жас Қыран» мүшелері) Ұйымға қабылдану құрметіне ие болған оқушыларға аталған ұйымның мақсаты мен жауапкершіліктері туралы түсіндіру жұмыстары жүргізілді.

Оқушылар «Жас Ұлан» ұйымының антын қабылдап, оларға үлкен жауапкершілік жүктелгендігін түсінетіндіктерін жеткізді. Мектеп директоры қатарға қосылған жасұландықтарды құттықтап, сәттілік тіледі.