4 мамыр күні 4 «Ә» сыныбында «Мен Отан қорғаушымын» және «Ер есімі – ел есінде» тақырыптарында сынып сағаты өтті. Іс-шараның мақсаты – оқушыларға Отанға деген сүйіспеншілікті, елін, жерін қорғауға дайын болуды, батырлардың ерлігін құрметтеуді дәріптеу болды.
Сынып сағаты барысында оқушылар Отан туралы өлеңдер оқып, мақал-мәтелдер айтып, өз ойларымен бөлісті. Сонымен қатар, елін қорғаған батырлар мен ержүрек азаматтар туралы мәліметтер беріліп, олардың ерлігі үлгі ретінде насихатталды. Оқушылар топтық жұмыстар орындап, «Отан қорғаушы қандай болуы керек?» деген сұрақ төңірегінде пікір алмасты.
Сабақ соңында оқушылар патриоттық сезімдерін білдіріп, елін қорғау – әр азаматтың қасиетті борышы екенін түсінді. Сынып сағаты тәрбиелік мәні зор, мазмұнды өтті.
#7мамыр
#ОтанҚорғаушылар