«Оқуға құштар мектеп» жобасы аясында 8 «Ә» сыныбында Абай Құнанбаевтың «Табиғат лирикасы» тақырыбында сыныптан тыс іс-шара ұйымдастырылды. Іс-шараны мектеп кітапханашысы Садвакасова Г.Ш. және сынып жетекшісі Илимбаева М.К. ұйымдастырды. Іс-шара барысында оқушылар Абайдың жыл мезгілдеріне арналған өлеңдерін мәнерлеп оқып, мазмұнына талдау жасады. Әр өлеңдегі табиғат көріністері мен ақынның ойын анықтап, сұрақтарға жауап берді. Оқушылар өз ойларын ортаға салып, белсенділік танытты.
Мақсаты:
Оқушыларды Абай Құнанбаевтың табиғат лирикасымен таныстыру, жыл мезгілдеріне арналған өлеңдердің мазмұнын меңгерту, көркемдік ерекшеліктерін талдай білуге үйрету. Оқушылардың әдебиетке деген қызығушылығын арттыру, оқу сауаттылығын дамыту, өз ойын еркін жеткізе білуге және табиғатты аялауға тәрбиелеу.