Қазақстан Республикасы Білім және ғылым министрлігінің
14.02.2016 жылғы бекітілген №26 бұйрығымен бекітілген
МІНДЕТТІ МЕКТЕП ФОРМАСЫНА ҚОЙЫЛАТЫН
ТАЛАПТАР.
2025 – 2026 оқу жылында №50 НОМ КММ міндетті мектеп формасы зайырлы білім беру сипатына сәйкес және классикалық стильді ұстану қажет.
ҰЛДАРҒА АРНАЛҒАН МІНДЕТТІ МЕКТЕП ФОРМАСЫ:
• қара көк түсті пиджак, жилет, шалбар;
• салтанатты күндері ақ түсті көйлек, жай күнделікті күндері көгілдір түсті суретсіз, біртүсті көйлек; не түймелері бар немесе сыдырмалы тоқылған жейде/кардиган, поло жейде немесе тенниска
• (қысқы мезгілде: қара көк түсті суретсіз біртүсті трикотажды жилет немесе джемпер, ақ және көгілдір түсті водолазка);
• еркін пішімді және ұзындығы тобықты жабатын шалбар;
• негізгі түске сай келетін классикалық үлгідегі галстук;
• мектеп формасына мектепті айқындайтын белгі орналасады;
• классикалық формадағы аяқ киім.
ҚЫЗДАРҒА АРНАЛҒАН МІНДЕТТІ ФОРМАСЫ:
• Қара көк түсті пиджак, жилет,
• юбка ( юбка тік, белдемесі мықынның деңгейінде, ұзындығы тізені жабатын, суретсіз болуы шарт);
• шалбар еркін пішімді, ұзындығы тобықты жабатын, белдемесі мықынның деңгейінде, классикалық болуы шарт;
• Офистік үлгідегі ақ немесе көгілдір түсті (суретсіз және әшекейсіз) классикалық блузка; не түймелері бар немесе сыдырмалы тоқылған күрте/кардиган, поло жейде немесе тенниска
• (қысқы мезгілде: қара көк түсті суретсіз біртүсті трикотажды жилет , сарафан немесе кофта, ақ және көгілдір түсті водолазка);
• өкшесі 3 сантиметрден аспайтын классикалық үлгідегі аяқ киім.
Тыйым салынады:
• Оқу үрдісі кезінде декоративті косметикалық бояуларды, ашық түсті маникюр және ұзын тырнақ, түрлі түсті көз линзасын, жалтырауық әшекей бұйымдарды қолдануға болмайды.
• Тырысып тұратын шалбарларды, лосиндерді, сәнді пішінмен тігілген бүрмелі, үрмелі шалбарларды (дудочка), джинсы типтегі киімдерді киюге болмайды.
• Шашты жайып жүруге және бас киім киіп жүруге, орамал түрлерін тағуға болмайды.
• Мектеп формасына түрлі діни конфессияларға қатысты киім элеметтерін қосуға болмайды.
• Мектеп формасына қойылатын талаптар бойынша жарақаттайтын фурнитурасы бар киім мен аксессуарлар киюге тыйым салынады.