2025 жылдың 12 наурызында «№50 НОМ» КММ-де кезекті директор жанындағы жиналыс өткізілді. Мектеп басшысы Ж.С.Балапанова жиналыста қаралатын өзекті мәселелерге тоқталып, күн тәртібімен таныстырды.
Күн тәртібінде:
1.Баяндама «Дарынды оқушы-ұлт болашағы»
2. PISA 2025-ке дайындық шаралары.
3.Педагогикалық этиканы сақтау қағидалары.
4. Әр түрлі мәселелер
Бірінші мәселе бойынша мектеп директорының оқу ісі жөніндегі орынбасары Абеуова Г.К. «Дарынды оқушы - ұлт болашағы» тақырыбында баяндама жасап, оқушылардың дарындылығын дамытуға жағдай жасау және дарынды балаларды қолдау,олардың білім сапасын арттыру керек екенін мақсат етіп қойды.Алдағы уақытта пәндік олимпиадаларға оқушы дайындап,жетістікке шығаруды көздеу ұстаздарға міндеттелетінін айтып өтті.
Екінші мәселе бойынша мектеп директорының оқу ісі жөніндегі орынбасары Руди.Л.В. PISA -2025 бағдарламасы қазіргі әлемде оқушылар қабілетін тексеру мен бағалаудың ең ықпалды жобасы екенін атап өтті. Пән мұғалімдеріне оқушылардың аталған тестке дайындықтарын күшейту керек екенін атап өтті.Осы мақсатта күнделікті сабақта «Pisa» тапсырмаларын пысықтап отыруды әрбір пән мұғалімі негізге алу керектігі айтылды.
Кәсіподақ ұйымының төрайымы Моторина Наталья Александровна мектепте педагогикалық этиканы сақтау қағидалары туралы баяндама жасап, ұжымға қысқаша мәлімет беріп өтті.
Сонымен қатар,әр түрлі мәселелер қозғалды.Атап айтсақ, «Ұлыстың ұлы күні-Наурыз» мейрамының тойлануына байланысты жоспарлар мен ұсыныстар талқыланып қарастырылды.