2025 жылдың 4 -ші наурызында мектебімізде оқушылар арасында туберкулездің алдын алу мақсатында ақпараттық-түсіндіру іс-шаралары өткізілді. Аталған шара барысында мектеп қабырғасында арнайы “Туберкулез – қауіпті ауру” тақырыбындағы ақпараттық стенд орнатылды.

Стендте туберкулез ауруының алдын алу жолдары, жұғу жолдары мен алғашқы белгілері туралы толық ақпарат ұсынылды. Сондай-ақ, оқушыларға туберкулездің қазіргі қоғамдағы өзекті мәселесі екені түсіндіріліп, жеке бас гигиенасын сақтау, дұрыс тамақтану және денсаулықты нығайту туралы кеңестер берілді.

Бұл іс-шараның негізгі мақсаты – балалар мен жасөспірімдерге өз денсаулығына жауапкершілікпен қарау дағдыларын қалыптастыру, сондай-ақ туберкулездің алдын алуға бағытталған санитарлық-ағарту жұмыстарын күшейту болып табылады. #Біртұтас_тәрбие