2013 жылдың 5 қазаны күні №50 орта мектебінде «Мұғалімдер күні» мерекесі аталып өтілді. Мектеп оқушылары ұстаздарға арнап «Таңертеңгілік пошта» бағдарламасы үлгісінде мерекелік концерт ұйымдастырды. Мерекелік шара  қарсаңында оқушылардың құттықтау хаттары жинақталып, ең үздік нұсқалары аталған мерекелік бағдарламада оқылып, музыкалық құттықтаулар жолданды. Мерекелік концертке педагогикалық еңбектің ардагерлері де шақырылып, құрмет көрсетілді. Мектеп оқушылары ардагер ұстаздар мен еңбек өтілі бойынша мерейтой иелері атанған ұстаздарға үйірме жұмысында әзірлеген сыйларын табыс етті. Мерекелік іс-шара ұстаздар қауымына қызықтылығымен, бұрынғыдан өзгешелігімен ұмытылмас әсер қалдырды.