Қазанның 1-інде барша қазақстандықтар қарттар күнін атап өтті. №50 орта мектебінде  қазына қарттар күніне арналып мерекелік мәдени бағдарлама ұйымдастырылды.  Шағын ауданда тұратын қарттар іс-шараның құрметті қонағы болды. Оқушылар өткен жылдардың ән-күйлерін,  би өнерін және әзілді көріністерін  көрсетіп, қарттарға үлкен қуаныш сыйлады. Мәдени шараның соңында оқушылардың дайындаған сыйлықтары табыс етілді.  Қарттарға құрмет көрсетуді жөн санаған жеке кәсіпкердің демеушілігімен мерекелік дастархан жайылды. Қарт жандар өздеріне  зор құрмет көрсеткен білім ұясына  үлкен ризашылықтарын білдірді.