Қыркүйектің  23-нен қазанның 2-і аралығында №50 ЖББОМ осымен төртінші жыл «Ақниет» қайырымдылық акциясы ұйымдастырылды.

      Ақниет акциясының мақсаты, мектептегі рухани-адамгершіліктік тәрбие беру жұмысын одан әрі жандандырып, оқушыларды азаматтықққа, қайырымдылыққа, төзімділікке, өзге жандардың мұң-мұқтажына бей-жай қарамай қолдан келгенше көмек көрсетуге тәрбиелеу болып табылады. Сонымен қатар, мектеп пен ата-аналардың және ықшам аудан тұрғындарының ынтымақтастығын арттырып, жас ұрпақ тәрбиесінде бірлескен белсенді іс-қимыл жүргізу жұмыстарын одан әрі жалғастыру, акцияның негізгі міндеттерінің бірі болды.

         Мектепте қамқорлыққа мұқтаж жандарға көмек көрсетемін деушілердің заттарын қабылдау пункті ашылды. Жұмыс тобы  «Жас Ұлан» БЖҰ  бірлесе отырып ықшам аудандағы көмекке  мұқтаж отбасыларды анықтап, мекен-жайлары, т.б. мәліметтер жинақтады.

        Аталған акцияны  мектеп оқушылары, ата-аналар және мұғалімдер бір ауыздан қолдап, қайырымдылық көрсетуге 1-9 сынып оқушылары түгел белсене қатысты..

      Жалпы акция аясында құны шамамен  34000 тенге тұратын  16 түрлі жуу, тазарту мақсатында қолданылатын  гигиеналық заттар және 20-дан астам ұзақ мерзімде сақталатын азық-түлік түрлері жиналды.

      Жиналған қайырымдылық материалдық көмекті «Жас Ұлан» балалар және жасөспірімдер ұйымының мүшелерінің тікелей қатысуымен   ықшам ауданда тұратын  26 отбасыға: жалғыз басты қарт жандарға, еңбек ардагерлеріне, көп балалы отбасыларға таратылды.

      Көмек алған қарт жандар  «Ақниет» акциясын ұйымдастырушыларға шексіз алғысын білдіріп, бірлігі жарасқан , ортақ үйіміз – Қазақстанда мұқтаж жандарға үнемі қолдау көрсетіліп отыратындығын жоғары бағалап, мұндай акциялар жиі өткізіле берсе деген шынайы ниеттерін білдірді.