2013 жылдың 18 тамызы күні №50 орта мектебінде «Қазақстан Республикасының Спорт күні»  мектептік жоспарға сәйкес кең көлемде ұйымдастырылды.  Мектеп оқушылары арасында воллейболдан баскетболдан, футболдан және басқа да спорт түрлерінен жарыстар өткізілді.

      Іс-шараның ең маңызды сәті, ол мектеп ауласындағы көпфункционалды хоккей кортының ашылуы болды. Корттың салтанатты ашылуынан кейін  балалардың аула  командалары арасында футболдан жарыс өткізілді. Аталған корт  оқушылардың дене тәрбиесі сабағында ғана емес, сонымен қатар сабақтан тыс уақытта да спортпен айналысуға үлкен мүмкіндік беріп отыр. Жаңа оқу жылының қарсаңында  заман талабына сай жабдықталған көпфункционалды хоккей кортының  пайдалануға берілгені үшін мектеп оқушылары, ата-аналар қауымы және мектеп ұжымы жергілікті билікке өз алғыстарын  білдіруде. 

     Сонымен қатар, спорттық іс-шаралар  өткен жылы пайдалануға берілген  мектеп жанындағы Байжанов атындағы саябақта да жалғасын тапты. Мұнда мектеп  оқушылары арасында пионербол, волейбол, «Қызықты старт», қол күрестіру және тағы да басқа ойындар ұйымдастырылды.

   Жоғарыда аталған спорттық іс-шараларға 200-ден астам мектеп оқушылары мен шағын аудан балалары қатысты.