Мамырдың 6-ында №50 орта мектебінде Ұлы Жеңістің 68 жылдығына арналған мерекелік іс-шара өтті. Іс-шараға Ұлы Отан соғысының ардагерлері, тыл еңбеккерлері шақырылып, құрмет көрсетілді. Өкінішке орай, көптеген ардақты ардагерлер денсаулықтарына байланысты келе алмады, ал келгендері мектеп оқушылары мен ұстаздары дайындаған мерекелік концертті тамашалап ризашылықтарын білдірді. Мерекелік концертте әскери-патриоттық әндер шырқалып, билер өнері тарту етілді. Ұлы Отан соғысының әйел-батырларына  арналған музыкалық-әдеби композицияның көрсетілуі көрермендерге ерекше әсер қалдырды. Ардагер қонақтарға  оқушылар мерекелік сыйлықтарын тарту етсе, жеке кәсіпкер  Ким С.А. құрметті жандарды мерекелік дастархан шақырды. Іс-шараға қатыса алмаған шағын аудандағы өзге ардагерлер де назардан тыс қалмай, оқушылардың құттықтаулары мен мерекелік сыйлықтарына ие болды.

  Ұлы Жеңіске жеткізген осындай ұлы адамдардың жыл өткен сайын азайып бара жатқандығы көңілге кірбің ұялатады. Ардагерлерге  ерліктері үшін мың да бір  алғыс !