Сәуірдің 30-ында №50 орта мектебінде ұстаздар, ата-аналар және «Жас Ұлан» БЖҰ құрамындағы оқушылардың қатысуымен Қазақстан халқының бірлігі күніне арналған ауқымды мерекелік іс-шара болып өтті. Іс-шараның басында мектептің тарих пәнінің мұғалімдері Илимбаева М.Қ. және Құрманбаев Е.Н. Қазақстан халқының бірлігі күніне арнап баяндама жасап, аталған мерекенің мәні мен маңызына, құрылғанына биыл 18 жыл толып отырған Қазақстан халықтарының Ассамблеясы жайлы  кеңінен тоқталды.

  Мерекелік шарада оқушылардың дайындаған  патриоттық әндері орындалып, билері көрсетілді.  

  Сонымен қатар, мерекелік іс-шарада «Жас Ұлан» балалар және жасөспірімдер ұйымы қатарына қабылдау рәсімі өткізіліп, ұйым мүшелерінің қатары 26 оқушыға толықты (оның 13-і «Жас Қыран» мүшелері) Ұйымға қабылдану құрметіне ие болған оқушыларға аталған ұйымның мақсаты мен жауапкершіліктері туралы түсіндіру жұмыстары жүргізілді.

Оқушылар бір ауыздан «Жас Ұлан» ұйымының антын қабылдап, оларға үлкен жауапкершілік жүктелгендігін түсінетіндіктерін жеткізді.