2013 жылдың 15 ақпанында №4 мектеп-интернат пен Төтенше жағдайлар жөніндегі министрлікке қарасты  №52859 әскери бөлімнің ұйымдастыруымен кеңес әскерінің Ауғанстаннан шығарылуының 24 жылдығы құрметіне жассарбаздардың саптық-ән байқауы өтті.

   Байқаудың мақсаты, жас жеткіншектерге патриоттық тәрбие беру, жауапкершілікке, ұжымдық бірлікке, салауатты өмір сүруге баулу  болып табылды.

    №50 орта мектебінің 16 оқушысынан құрылған «Жас қыран» жассарбаздар жасағы жүлделі екінші орынға ие болып, құрмет грамотасымен марапатталды. Жасақ командирі 9 сынып оқушысы Садуақасов Ринат ең үздік командир номинациясын жеңіп алды.

  №50 орта мектебінің «Жас қыран» жас сарбаздар тобы 2012 жылы  өткен осы байқауда жүлделі бірінші орынды иеленген болатын.