№50 орта мектебінің 8 «Ә» сынып оқушысы Тілеубаева Раушан Қарағанды күніне арналған мектепшілік  авторлық өлеңдер  байқауыннан  үздік шығып,   2013 жылдың 10 ақпанында  «Жаңа Майқұдық»  мәдениет  үйінде өткізілген «Сүйікті қалам- Қарағандым!» атты  өлеңімен  қатысып, белсенділігі мен үздіктер қатарынан көрінгені үшін алғыс хатпен марапатталды.

 

Сүйікті қалам – Қарағандым!

Авторы: Қарағанды қаласының

№50 жалпы білім беру орта мектебінің

 8 «Ә» сынып оқушысы Тілеубаева Раушан

 

Менің қалам- армандардан жаралған,

Менің қалам-сұлулықтан нәр алған.

Менің қалам-аққудайын таранған,

Менің қалам-ақ мәрмәрдан қаланған.

 

Менің қалам жаралған ізгіліктен,

Іргетасы қаланған ізгі үмітпен.

Сенен шығып, тарайды сенен ғана,

Бар жақсылық атаулы елім күткен.

 

Ұлы қалам шегі жоқ, шеңберің жоқ,

Қалалардың бірісің елдегі көп.

Пенде үшін бітпейтін сырларын көп,

Сен бәрібір қаласың жердегі жоқ.

 

Сүйемін мен бұл қаланың ай-күнін,

Жарқыраған жұлдызы мен жаңбырын.

Сүйемін мен арайланған таң-нұрын,

Сол нұрменен жалғасардай тағдырым.

 

Қарағанды сүйікті қала бірісің,

Армандардың асқақтаған жырысың.

Қарағанды - қазыналы ырысың,

Жүрегімнің мөлдір - тұнық сырысың.

 

Қарағанды - шежірелі жер екен,

Қарағанды – қасиетті құт  мекен.

Тарихтың сара жолын еске салар,

Орнатылған ескерткіштер құрметпен.

 

Сан ақындар сөз гауһарын жалындатқан,

Жазушылар білім селін тасқындатқан

Туып-өсті Қарағанды қаласында,

Талай тұлға жүрегінен жалын атқан.

 

Байлығы шаҺарымның қара алтын,

Игілікті сыйы ғой  жаратқанның.

Қарағанды – өндірісті ел тірегі,

Еңбек жолын бастаған Елбасының.

 

Әсем қалам, құтты болсын туған күнің!,

Гүлдене бер, жарқырасын бақыт-нұрың.

Биік болсын мәртебең, ұлы қалам,

Таусылмасын ешқашанда шаттық жырың!