Мамырдың 11-і күні қалалық демалыс паркінде Қарағанды қ. төтенше жағдай жөніндегі басқарманың ұйымдастыруымен «Жас құтқарушы» ашық олимпиадасы өткізілген болатын. Облыстың әр өңірінен жиналған 19 команданың  басын қосқан байқауға  №50 орта мектебінің «Жас қыран» командасы да белсенді қатысты. Команда аталған байқауға алғаш рет қатысқанына қарамастан оқушылар берілген тапсырмаларды жақсы орындап, төтенше жағдай бола қалғанда өздерінің өзгеге көмек көрсетуге дайын  екендіктерін байқатты.  Олимпиаданың «Жол қауіпсіздігі ережесін сақтау» кезеңінде мектеп оқушысы Каниев Шыңғыс көшбасшы атанып, құрмет грамотасымен марапатталды. Сонымен қатар,  «Жол қауіпсіздігі ережесін сақтау» және «Жеке қорғану құралын кию бойынша нормативтерді орындау» кезеңдерінде «Жас қыран» командасы  екі  кезеңнен де  ІІІ орындарды иеленді. Команданы дайындаған мектептің алғашқы әскери дайындық пәні мұғалімі Алшынбеков Мақсат Барағатұлына қалалық білім бөлімі ризашылық білдіріп, алғыс хат табыс етті.