Мамырдың 4 күні №50 жалпы білім беру орта мектебінде Ұлы Жеңістің 67 жылдығы мен Қазақстан Республикасы Қарулы күштерінің 20 жылдығына арналған жассарбаздардың саптық ән байқауы өткізілді. Байқаудың мақсаты, жас жеткіншектерді отаншылдыққа, жауапкершілік сезімге, ұжымшылдыққа тәрбиелеу, олардың саптық жаттығу дағдыларын жетілдіру, салауатты өмір салтын насихаттау. Байқауға 7-9 сынып оқушыларынан 8 команда қатысып, ережеге сәйкес өзара  сынға түсті. Байқау барысында әдіқазылар әр команданың киім үлгісін, командирдің бұйрық беру дағдыларын, команданың бұйрықтарды орындау мәнерін, әннің айтылу деңгейін, команданың  жеке құрам санын жеке-жеке бағалап, жеңімпаздарды анықтады. Байқау қорытындысы бойынша 1 орынды – 9Ә және 7 Ә, 2 орынды – 8 А, 3 орынды – 8 Ә сыныптары иеленді.