№50 негізгі орта мектебінде «Мектепке жол»  жалпы республикалық қайырымдылық акциясы бойынша ұсынылған «Жүректен жүрекке» атты  ұранымен өз жұмысын бастап кетті. Осы тақырып аясында ақпараттық стенд безендірілді. Ақпараттық стендіде акцияның екі тілдегі логотипі, негізгі міндеттері мен мақсаты, мектепішілік іс-шаралар жоспары, осы шараны өткізуге қатысатын жауапты тұлғалардың атқаратын міндеттері көрсетілініп, арнайы үнпарақтар ілінді. Сонымен қатар ауданымыздың тұрғындары мен ата-аналарға арналған «Мектепке жол» акциясының көлемді логотипі мектеп ғимаратының алдыңғы жағындағы көрнекі тұсына ілінді. Акцияға белсене қатысу үшін ауданымыздың белгілі тұлғалы азаматтарына, мекемелерге, шаруашылық басшыларына, жеке кәсіпкерлерге арнайы хаттар жіберілініп, үнпарақтар таратылды. Сондай-ақ осындай үнпарақтарды ауданымыздың көрнекі тұстарына да  іліп-жапсыру жұмыстары  белсенді жүргізілді.