Желтоқсанның 15-ші жұлдызында мектеп ұжымының және оқу озаттары мен екпінділерінің қатысуымен Қазақстан Республикасы Тәуелсіздігінің 20 жылдығына арналған «Қазақстан: бейбітшілік пен жасампаздықтың 20 жылы» атты  мерекелік  салтанатты іс-шара өткізілді. Іс-шараның ресми бөлімінде сөз алған мектеп директоры Жазыбеков Әбіш Серікұлы өз баяндамасында еліміздің 20 жыл ішінде жеткен толағай табыстарына кеңінен тоқталып, барлық жетістіктер Елбасы Нұрсұлтан Назарбаев жүргізген сабдарлы саясаттың арқасы екендігін атап өтті. Ұстаздар мен оқушыларды мерейлі мерейтоймен құттықтай келе, жас ұрпақты оқытып-тәрбиелеудегі табысты еңбектері үшін бірқатар ұстаздарға марапаттау құрметін көрсетті. Сондай-ақ, іс-шара барысында дәстүрлі түрде «Болашақ» балалар және жас жеткіншектер  ұйымы қатарына қабылдау рәсімі өткізіліп, ұйым қатары 16 оқушымен толықты. Мерекелік концертте бірнеше патриоттық ән мен күй шырқалып, өлеңдер оқылып, ұлттық билер биленіп  көрермендердің көңілін бір көтеріп тастады.